ሱፐር ቪዛ

1 

ሱፐር ቪዛ ምንድን ነው?

ልብ ሊባል የሚገባው ነጥብ፦ በሱፐር ቪዛ ማመልከቻ ውስጥ ሊካተቱ የሚችሉት ወላጆች ወይም አያቶች ብቻ ናቸው። ከእነሱ ጋር አብረው የሚኖሩ ልጆቻቸው ወይም ሌሎች የቤተሰብ አባላት በዚህ የቪዛ ዓይነት ተጠቃሚ መሆን አይችሉም።

2

መስፈርቶች

ሱፐር ቪዛ ከመደበኛው የጎብኝ ቪዛ አንጻር የሚሰጠው ጥቅም ከፍተኛ ቢሆንም፣ ወላጆችዎ በካናዳ ረዘም ላለ ጊዜ የሚቆዩ በመሆኑ ጋባዡ (ልጅ ወይም የልጅ ልጅ) የሚከተሉትን ኃላፊነቶች ማሟላት ይኖርበታል፦

• የገቢ መስፈርት (LICO)፦ ጋባዡ (ልጅ ወይም የልጅ ልጅ) ወላጆቹን ለማስተናገድ የሚያስችል አነስተኛውን ዓመታዊ የገቢ ገደብ (Minimum Income Threshold/LICO) ማሟላቱን የሚያሳይ የገቢ ማስረጃ ማቅረብ ይኖርበታል።

• የጤና መድን (Medical Insurance)፦ ቢያንስ ለጥቂት ወራት ወይም ለአንድ ዓመት የሚቆይ እና ቢያንስ $100,000 የሕክምና ሽፋን የሚሰጥ የጤና መድን ከካናዳ የኢንሹራንስ ኩባንያ መግዛትና ከቪዛ ማመልከቻው ጋር አብሮ ማያያዝ ግዴታ ነው።

• የሕክምና ምርመራ (Medical Exam)፦ ወላጆችዎ በጥሩ የጤንነት ደረጃ ላይ መሆናቸውን የሚያረጋግጥ በካናዳ ኢሚግሬሽን እውቅና የተሰጠው የሕክምና ምርመራ ማድረግ ይኖርባቸዋል።

​​

3

የሱፐር ቪዛ የማመልከቻ ሂደት ምን ይመስላል

የሱፐር ቪዛ ማመልከቻ ሂደት ከመደበኛው የጎብኝ ቪዛ ጋር ተመሳሳይ ቢሆንም፣ ጋባዡ ቤተሰብ (ልጅ ወይም የልጅ ልጅ) ወላጆች በካናዳ በሚኖራቸው ቆይታ አስፈላጊውን ድጋፍ እንደሚያገኙ የሚያረጋግጡ ተጨማሪ ሰነዶችን ማቅረብ ይኖርበታል። እነዚህም ሰነዶች፦

• የግብዣ ደብዳቤ፦ በካናዳ ከሚኖረው ልጅ ወይም የልጅ ልጅ የሚጻፍ ይፋዊ የጥሪ ደብዳቤ፤

• የገቢ ማስረጃ፦ ጋባዡ አነስተኛውን የገቢ መስፈርት (LICO) ማሟላቱን የሚያረጋግጥ ዓመታዊ የገቢ ሰነድ (ለምሳሌ፦ NOA ወይም T4)፤

• የዝምድና ማረጋገጫ፦ በጋባዡ እና በተጋባዡ መካከል ያለውን የወላጅነት ወይም የአያትነት ግንኙነት የሚያሳይ የልደት ምስክር ወረቀት፤

• የሕክምና መድን (Insurance)፦ ከካናዳ የኢንሹራንስ ኩባንያ የተገዛና ቢያንስ 100,000 የካናዳ ዶላር የሕክምና ሽፋን የሚሰጥ የመድን ዋስትና ሰነድ ናቸው።

​​

እንደሚያመለክቱበት የቪዛ ጽሕፈት ቤት (Visa Office) ሁኔታ ተጨማሪ ደጋፊ ሰነዶች ሊጠየቁ ይችላሉ።

​

የግምገማ መስፈርቶች፦ የቪዛ ማመልከቻዎ በተለያዩ መስፈርቶች አንጻር ይመዝናል። የጉብኝቱ ዓላማ፣ እንዲሁም ወላጆች ወይም አያቶች ከትውልድ አገራቸው ጋር ያላቸው ጠንካራ ቁርኝት (Home Ties) በጥብቅ ይመረመራል። ይህም ከካናዳ ውጭ ያለ የቤተሰብ ትስስርን፣ የፋይናንስ አቅምን እና ሌሎች ማኅበራዊ ግንኙነቶችን በማሳየት ሊረጋገጥ ይችላል።