ሌሎች ዘመዶችን ስፖንሰር ስለማድረግ

የሚከተሉትን መስፈርቶች በአንድነት የሚያሟሉ ከሆኑ፣ በደም ወይም በሕጋዊ ጉዲፈቻ የሚዛመዱ የትኛውንም የዕድሜ ክልል የሚገኝ አንድ ዘመድዎን ስፖንሰር ማድረግ ይችላሉ።

ይህ ዕድል የሚሰጠው ስፖንሰር የሚያደርገው ሰው በካናዳም ሆነ በውጭ ሀገር የሚከተሉት የቅርብ ቤተሰቦች ከሌሉት ብቻ ነው፦

• የትዳር አጋር ወይም እጮኛ (Common-law) 

• ልጆች

• ወላጆች ወይም አያቶች

• ወላጅ አልባ የሆኑ ወንድሞች፣ እህቶች፣ የወንድም/የእህት ልጆች ወይም የልጅ ልጆች (ዕድሜያቸው ከ18 በታች የሆኑ)

​​

በተጨማሪም፣ በካናዳ ውስጥ የሚኖር የካናዳ ዜግነት ወይም የቋሚ መኖሪያ ፈቃድ ያለው የቅርብ ዘመድ (አክስት፣ አጎት ወይም ከላይ የተጠቀሱት ቤተሰቦች) ሊኖርዎት አይገባም።

​

እነዚህን መስፈርቶች ካሟሉ፣ አንድ ዘመድዎን ስፖንሰር ማድረግ የሚችሉ ሲሆን፣ ስፖንሰር የሚደረገው ዘመድ የትዳር አጋሩን እና ዕድሜያቸው ከ22 ዓመት በታች የሆኑ ያላገቡ ልጆቹን በዚሁ ማመልከቻ ውስጥ አካቶ ወደ ካናዳ ማምጣት ይችላል።

​

ምሳሌ፦ ቤተልሔም የካናዳ ቋሚ ነዋሪ ስትሆን፣ የትዳር አጋርም ሆነ ልጅ የላትም። ወላጆቿ እና አያቶቿ በሕይወት የሉም። እንዲሁም በካናዳ ውስጥ የሚኖር የካናዳ ዜጋ ወይም ቋሚ ነዋሪ የሆነ ሌላ ዘመድ የላትም። ቤተልሔም አክስቷን ሜሮንን ስፖንሰር ማድረግ ትችላለች?

መልስ፦ አዎ፣ ቤተልሔም አክስቷን ሜሮንን ስፖንሰር ማድረግ ትችላለች። ምክንያቱም፦

1. በሕይወት ያለ የቅርብ ቤተሰብ (የትዳር አጋር፣ ልጅ፣ ወላጅ፣ አያት ወይም ወላጅ አልባ ዕድሜው ከ18 በታች የሆነ ወንድም/እህት) የላትም።

2. በካናዳ ውስጥ የሚኖር የካናዳ ዜግነት ወይም የቋሚ መኖሪያ ፈቃድ ያለው ሌላ ዘመድ የላትም።

3. በዚህም መሠረት አክስቷ ሜሮን የትዳር አጋሯን እና ልጇን (ዕድሜዋ ከ22 ዓመት በታች ከሆነ) በማመልከቻው ውስጥ አካታ ወደ ካናዳ መምጣት ትችላለች።